स्पेनिस ला लिगा अन्तर्गत रियल म्याड्रिडले अल्मेरियामाथि संघर्षपूर्ण जित हासिल गरेको छ ।

 

गएराती सम्पन्न खेलमा रियल म्याड्रिडले अल्मेरियालाई ३-२ गोल अन्तरले पराजित गरेको हो ।

 

रियल म्याड्रिडको जितमा खेलको ९९औ मिनेटमा डानी कार्भाजलले निर्णायक गोल गरेका थिए ।

 

यस अघि रियलले २-० ले पछि परेको अवस्थामा खेलमा कम ब्याक गरेको थियो ।  रियलका लागि जुडे बेलिङघम र भिनिसियस जुनियरले एक एक गोल गरेका थिए ।

 

त्यस्तै अल्मेरियाले खेलको पहिलो हाफमा २ गोल गरेर रियल म्याड्रिडमाथि दबाब बनाएको थियो । अल्मेरियाका लागि लार्गी रमाजानी र् एडगर गोन्जालेजले एक एक गोल गरेका थिए ।

 

यो जितपछि रियल म्याड्रिडको २० खेलमा ५१ अंक भएको छ र लिगमा दोस्रो स्थानमा रहेको छ ।  एक खेल बढी खेलेको गिरोना ५२ अंकसहित शिर्ष स्थानमा रहेको छ ।

 

त्यसैगरी अल्मेरिया भने २१ खेलमा केवल ६ अंकसहित अंक तालिकामा पुछारमा रहेको छ ।

कुनै सल्लाह, सुझाव वा प्रतिकृयाको लागि nepaleditor.com@gmail.com मा इमेल पठाउन सक्नुहुन्छ ।