कागेश्वरी मनोहरा नगरपालिकाले आज विश्व पर्यटन दिवस भव्य रुपमा मनाउने भएको छ ।

नगरपालिकाले वडा नं.१ गागलफेदीमा रहेको प्रसिद्ध कागेश्वरी धाममा विशेष कार्यक्रम गर्ने तयारी गरेको छ । कार्यक्रममा बृक्षारोपण पनि गरिने छ ।

कागेश्वरी मनोहरा नगरपालिकालाई समृद्ध र पर्यटकीय नगरपालिका बनाउने उद्देश्यका साथ नगरपालिकाले हाल कार्य गरिरहेको नगर प्रमुख उपेन्द्र कार्कीले बताउनुभयो ।
कागेश्वरी धामलाई राष्ट्रिय र अन्तर्राष्ट्रियस्तरमा चिनाउने उद्देश्यका साथ नगरपालिकाले विश्व पर्यटन दिवस मनाउन लागेको बताउनुभयो ।

लायन्स क्लव काठमाडौं कागेश्वरी मनोहराको संयोजनमा संस्कृति पर्यटन तथा नागरिक उड्डयन मन्त्रालय नेपाल पर्यटन बोर्ड र कागेश्वरी मनोहरा नगरपालिकाको आयोजनामा पर्यटन दिवस कागेश्वरी मनोहरा नगरपालिकामा मनाउन लागिएको हो ।

कुनै सल्लाह, सुझाव वा प्रतिकृयाको लागि nepaleditor.com@gmail.com मा इमेल पठाउन सक्नुहुन्छ ।